Rreth 1176 kg kokainë, e ndarë në 144 pako, që ishin fshehur në një kontenier që transportonte banane, u sekuestruan nga policia e Reggio Calabria, njësia ROS dhe dhe Guardia Di Finanza. Operacioni u mbështet gjithashtu nga Dogana e Gioia Tauro dhe Europol.
Kontenieri i nisur nga Amerika e Jugut, zbarkoi në Gioia Tauro, të hënën, ndërsa kishte si destinacion Gjermaninë.
Ky operacion rezultoi i suksesshëm falë bashkëpunimit policor ndërkombëtar.
Ky është konfiskimi më i madh që është bërë ndonjëherë në Itali: Kokainë, shumë e pastër, që e prerë dhe e hedhur në treg do t’u kishte sjellë mbi 250 milionë euro fitim trafikantëve.
