Anjola Hamzaj është një ndër spikeret më simpatike të lajmeve. Ajo gjithmonë ka tërhequr vëmendjen e të gjithëve me sytë e saj të bukur të kaltër. Këtë të mërkurë ajo ishte e ftuar në emisionin “Soiree” me Jonida Shehun në Top Channel për të folur se sa rol ka luajtur bukuria në ndërtimin e karrierës së saj.
Ndër të tjera Anjola është pyetur nga Jonida Shehu nëse të ftuarit në studion e edicionit të lajmeve pas intervistës i kanë kërkuar numrin e telefonit dhe ajo pa hezitim e ka pranuar që pikërisht kjo gjë ka ndodhur.
“Sa nga të ftuarit e tu në studion e lajmeve të kanë ngacmuar, të kanë kërkuar numrin e telefonit pasi kanë mbaruar intervistën?”, e ka pyetur Jonida Shehu.
“Shumë. Të ngacomojnë, nuk të gënjej, por shohin edhe se si komportohesh gjatë intervistës”, është shprehur spikerja simpatike.
