Ish-kryeministri Sali Berisha, e ka cilësuar projektin e mini-shengenit si një projekt të Serbisë së Madhe.
I ftuar në Abcnews, Berisha tha se Shqipëria ka tradhtuar Kosovën, pasi në samitin e Ohrit të gjithë e dinë se Rama dhe Vuçiç nuk e ftuan Kosovën, pasi po vijojnë planin e tyre djallëzor.
‘Projekti i minishengenit është projekti i miniserbisë, i përgatitur nga ekspertët e serbomadhisë në Beograd, traktat me 718 pika, ku përveç Ramës dhe Baton Stanishiçit nuk ka shqiptar tjetër që di një pikë të vetme, me të cilin Serbia ushtron të gjithë fuqinë e saj ekonomike dhe të Rusisë së politikës së stepave. Shqipëria i bën një pabesi, një tradhti të vërtetë Kosovës. Zyrtarëve shqiptarë në një mbledhje ndërkombëtare u është thënë nga zv.ministri serb se kryeministri juaj ka rënë dakord me kryeminsitrin tuaj se Kosova nuk do të marrë pjesë në këtë samit’, deklaroi Berisha.
