Vlora është një nga qarqet më të prekura nga moti i keq. Stuhitë dhe reshjet e mëdha kanë dëmtuar rrjetin elektrik në disa zona, kryesisht përgjatë bregdetit por edhe ne Lumin e Vlorës.
OSHEE publikoi sot pamjet e dëmeve që ka pësuar, kryesisht në Nartë, ku janë rrëzuar shtylla. Në Himarë ku është stakuar fideri 1’, ndërsa në Dhërmi, te pedonalja është shembur një kabinë.
Qeparoi dhe Kudhësi janë ende pa drita pas dëmtimit të fiderit 6 pranë Porto Palermos.
Në Rradhimë është shkëputur përcjellësi Tm, pjesë e fiderit 2, kurse në Selenicë ka probleme në kabinën “Resulaj” e po ashtu edhe në fshatrat Bolenë dhe Vranisht.
Aktualisht brigadat e avarive të OSHEE Vlorë janë shpërndarë në zonat e prekura, ku në disa akse është duke u punuar, në kushte aspak të favorshme moti.
