Gjyakta e Lezhës ka lënë në burg shtetasin Mikel (Gjovalin) Alia i cili akuzohet si bashkëpunëtor në vrasjen e mikut të tij të fëmijërisë, 34-vjeçarit Eri Zefit.
Alia ka deklaruar para unifomave blu se nuk e ka nxjerrë ai në pritë Eri Zefin, por ata kanë qenë duke udhëtuar së bashku, kur janë sulmuar nga disa grabitës së të cilët kanë tentuar ta vrasin edhe atë.
Mësohet se gjate seancës gjyqësore Alia nuk ka folur asnjë fjalë në lidhje me akuzat e ngritura ndaj tij.
Ai u vetëdorëzua në polici paraditen e së mërkurës (12 nëntor) dhe doli sot (13 nëntor) para gjykatës për rivlerësimin e masës së sigurisë të dhënë në mungesë të tij.
Gjovalin (Mikel) Alia dhe Eri Zefi ishin shokë fëmijërie. Viktima ishte ngujuar që prej shkurtit 2019 për shkak se vëllai i tij Ndue Zefi vrau fqinjin e tyre Martin Ndrecën.
Pas kësaj ngjarjeje, familja Alia është ngujuar nga frika e hakmarrjes së familjarëve të Eri Zefit.
Viktima mbante dhe emrin Anton dhe ishte baba i 3 fëmijëve.
