“Boldnews.al” do të injorojë çdo deklaratë “të fortësh” FB për Unazën e Re

Qeveria shqiptare ndërmorri mëngjesin e së Martës një sulm policor të paralajmëruar mbi banorët e Unazës së Re, të cilët kundërshtojnë prishjen e banesave të tyre.

Trupat e Sandër Lleshajt, Dallëndyshe Bicit, Erion Veliajt, nën dirigjinim e drejtpërdrejtë të Edi Ramës, u paraqitën me gaz lotsjellës, shkopinj gome e dhunë policore ndaj qytetarëve të pambrojtur.

Në këtë situatë, opozita, megjithëse e paralajmëruar nga banorët për atë që do të ndodhte, zgjodhi të qëndrojë e mpirë.

Në momentet e publikimit të këtij shkrimi, e Marta është në ditët e para të paradites. Gjatë ditës, me shumë mundësi, zëra “autoritarë” opozitarë e të tjerë, do të dalin të dënojnë aktet e dhunës.

Boldnews.al”, e cila e ka ndjekur muaj pas muaji protestës më të gjatë, më paqësore dhe më të drejtë gjatë mandatit të Edi Ramës, ka zgjedhur që të jenë në krah të më të pambrojturve.

Redaksia ka vendosur të injorojë çdo lloj reagimi “të ashpër” nga rrjetet sociale apo nga foltoret e selive partiake.

LEXO EDHE  FOTO/ Aksidenti, makina del nga rruga dhe përfundon në kanal

Sot, opozita duhet të ishte e gjitha, nga i pari tek i fundit, pranë banorëve të Unazës së Re. Duhet të ishte aty për t’u bashkuar me qytetarët në një barrikadë njerëzore, për të mbrojtur një prej të drejtave themelore të njeriut-të drejtën për banesë.

Për këdo që do të zgjedhë që reagimet e tij “anti-brutalitet” t’i përcjellë nëpërmjet rrjeteve sociale apo kamerave në vende të qeta, “Boldnews.al” ka vendosur që thjesht t’i injorojë dhe të mos u japë vend në hapësirën e saj publike.

Cilido opozitar, përfaqësues i shoqërive civile apo kushdo tjetër që zgjedh t’u bashkohet banorëve të pambrojtur, të cilët po luftojnë për shtëpinë e tyre, do të jetë i pranishëm në hapësirën e “Boldnews.al”.

Të tjerët, ata që zgjedhin të bëjnë “të fortin” nga rrjetet sociale, le të shijojnë “përkëdheljet” që u vijnë nga servilët virtuale.