Manchester City, ditën e djeshme, pësoi një humbje të rëndë ndaj Liverpulit me rezultatin 3-1. Kjo humbje dëmton shumë shanset e ekipit të drejtuar nga Guardiola, për të mbrojtur titullin kampion.
Duke parë këtë situatë, Pep Guardiola nuk ishte aspak i qetë, madje pas ndeshjes ai u pa të falënderoi arbitrin në një mënyrë ironike.
Ky veprim vjen pasi gjatë ndeshjes, City-t iu mohuan dy penallti për prekje të dyshimta të topit me dorë.
Ndërsa për veprimin e tij Guardiola sqaroi:
“Nuk ishte diçka sarkastike. Thjesht e falënderova shumë. Të njëjtën gjë thashë në ndeshjen ndaj Tottenham në shtëpi, gjithmonë shkoj tek gjyqtarët dhe i falënderoj.”
“Fatkeqësisht humbëm, por urime për Klopp dhe skuadrës së tij për fitoren, Ishte një ndeshje e mirë për të dyja ekipet, për “Premier League”, dhe për të gjithë njerëzit që e ndoqën, ishte një reklamë e mirë”. – përfundoi trajneri spanjoll në konferencën për shtyp.