Loredana hiqet sikur nuk i intereson asgjë, por në një mënyrë a në një tjetër, reagon me stil. Pas këngës “Dhelpër dinake”, që u konceptua nga një pjesë e mirë e fansave të (ish)çiftit Loredana-Mozzik si një dedikim për reperen, ja ç’ndodhi:
Si fillim, Schwesta Ewa – repere me bazë në Frankfurt në Gjermani – mikeshë me Loredanën, postoi në Instastory një pjesë nga kënga e Mozzik, ku shkroi “nuk kam dhelpra, por kam zbuluar një gomar”.
Në një tjetër koment, të siguruar nga Telegrafi, Loredana komenton me një prej miqve të saj. “Unë jam dhelpër,” shkruan ajo. “Kështu pretendon dikush, të paktën,” përgjigjet miku i reperes.
Po kështu, Mozzik postoi një video të Hanës – e cila jeton me Loredanën – teksa kërcen me “Dhelpër dinake” në sfond. Pak a shumë një lëmsh i vërtetë.
Shumë njerëz janë të mendimit se kënga nuk është dedikim, thjesht po shfrytëzohet me zgjuarsi momenti.
