Nga Ohri, ku mori pjesë në takimin e dytë në kuadër të nismës së mini-Shengenit Ballkanik, Kryeministri Edi Rama foli për heqjen e kufirit mes Shqipërisë dhe Kosovës, që sipas tij garantohet përmes “Mini-Shengenit Ballkanik”, që lejon hapjen e kufijve për qarkullimin e lirë të mallrave dhe njerëzve mes vendeve të Ballkanit Perëndimor.
“Po e bëj këtë për Shqipërinë dhe Kosovën në radhë të parë, jo për Bosnjen, Malin e Zi dhe vendet e tjera se drejtohen nga të tjerë njerëz. Nuk kam lidhje dhe kapacitet të punoj për interesat e tyre, punoj për interesat e shqipërisë dhe Shqiptarëve”, tha Rama.
Por në komentet e shumta të qytetarëve në rrjet, Rama cilësohet si tradhëtar, ndërsa e cilësojnë si turp pjesëmarrjen e tij, në një kohë që Kosova nuk merrte pjesë.
