Plarent Ndreca është emëruar nga ministri i Brendshëm, Sandër Lleshaj, në postin e Sekretarit të Përgjithshëm në Ministrinë e Brendshme.
Ish-Kryeministri Sali Berisha ka publikuar në rrjet denoncimin e qytetarit dixhital, i cili denoncon rikthimin në detyrë të Ndrecës, i akuzuar nga KLSH se vodhi milionat kur ishte Sekretar i Përgjithshëm në Ministrinë e Arsimit.
‘Jo ligji por xhepi është kriteri i Narkoshtetit!
Famozi Plarent Ndreca i denoncuar nga KLSH për vjedhje dhe abuzime marramendëse, i larguar nga detyra për çështje të rënda, merret nga Gjeneral Hashashi si Sekretari i Përgjithshem i Ministrisë së Brendshme!”, shkruan Berisha, duke publikuar mesazhin e mëposhtëm, të shoqëruar me disa foto.
