“Fashizëm dhe pabarazi”/ Studenti i vë flakën vetes në universitet, akuza ndaj Macron-it

Një student francez 22-vjeçar ndodhet në gjendje të rëndë shëndetësore pasi i vuri flakën vetes. I riu postoi në rrjetet sociale problemet e tij financiare, vetëm disa orë përpara se të kryente aktin e rëndë para menzës së universitetit në Lion.

Ai fajësonte presidentin Macron, dy paraardhësit e tij, lideren e të djathtës Le Pen dhe Bashkimin Europian, se ishin përgjegjës për vdekjen e tij. Ekipet e ndihmës së shpejtë bëjnë me dije se djali ka pësuar djegje në 90% të trupit. Studenti që ndiqte universitetin e dytë të Lionit, shkroi në Facebook se nuk kishte më mundësi të paguante detyrimet financiare prej 450 eurosh në muaj.

LEXO EDHE  Qeni hero, shpëton nga mbytja 6-vjeçarin

“Le të luftojmë kundër ngritjes së fashizmit, i cili vetëm na përçan.. dhe liberalizmit që krijon pabarazi. Akuzoj Macron, Hollande, Sarkozy dhe BE për vrasjen time, për krijimin e pasigurive për të ardhmen e të gjithëve. Gjithashtu akuzoj Le Pen dhe mediat për krijimin e situatave të frikës”, shkruante 22-vjeçari.