“Deklaratat e Ismail Qemalit nga Vjena për Kosovën”- Çfarë shkruante gazeta franceze në 1913

“La France” ka botuar, të shtunën e 12 prillit 1913, në faqen n°3, një shkrim në lidhje me deklaratat e Ismail Qemalit nga Vjena për Dukën e Montpensierit dhe Kosovën, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar:

Çështja shqiptare

Një kërkesë nga Ismail Qemali

Vjenë, 11 Prill. – Ismail Qemali mbajti deklaratat në vijim:

“Duka i Montpensierit erdhi në Vlorë pjesërisht për kënaqësinë e tij; ai dha 1000 franga për të varfrit e qytetit. Duka më tha që donte të aplikonte për fronin e Shqipërisë; Unë refuzova t’i premtoj mbështetjen time. Lajmi i publikuar nga një gazetë pariziane, sipas të cilit Duka i Montpensierit është shpallur Dukë i Shqipërisë, është i pabazuar.”

LEXO EDHE  Njihuni me 48-vjeçarin, p*rdhët e të cilit vrasin insektet

Ismail Qemali shtoi se ai ishte larguar nga Vlora për të protestuar personalisht ndaj kancelarive evropiane kundër mospranimit të Kosovës në Shqipëri.
/Aurenc Bebja/ Darsiani.com