Një 26-vjeçar është proceduar penalisht lidhur me dhunimin e pronarit të një lokali në Pogradec.
“Specialistët për Hetimin e Krimeve në Komisariatin e Policisë Pogradec, filluan procedimin penal në gjendje të lirë ndaj shtetasit: S.M, 26 vjeç, banues në fshatin Memëlisht, Pogradec. Shtetasi i mësipërm (nën shoqërinë edhe të disa personave të tjerë) dyshohet se për motive të dobëta, ka plagosur lehtë shtetasin E.Ç, 39 vjeç, në ambientet e lokalit të këtij të fundit në fshatin Dunicë, në të cilin gjatë konfliktit janë dëmtuar edhe xhamat e tij”, njoftoi policia.
“Po punohet për identifikimin e personave të tjerë të përfshirë në konflikt, si edhe dokumentimin e plotë të ngjarjes. Materialet i kaluan Prokurorisë pranë Gjykatës së Shkallës së Parë Pogradec për veprat penale ‘Plagosja e lehtë me dashje’ dhe ‘Shkatërrimi i pronës’”, shtuan të njëjtat burime.
