Kryetari i Partisë Demokratike, Lulzim Basha ka premtuar gjatë një takimi me të rinjtë se në qeverisjen e PD-së, ata do ta ndërtojnë të ardhmen në Atdhe.
Basha tha se papunësia dhe mjerimi janë produkt i kësaj qeverie. “Kjo qeveri nuk ka asnjë zgjidhje. E vetmja rrugë që kjo qeveri i ka treguar rinisë, është emigracioni. Rinia është përballë dy zgjidhjeve, krminalizimin ose emigrimin. Unë ju premtoj se do bëjmë gjithçka që të mos zgjidhni këto dy rrugë, por të qëndroni e të ndërtoni të ardhmen këtu”, deklaroi kryedemokrati.
“Kemi gjithçka, por na duhet një qeveri që mendon për ju”, shtoi ai.
“Duke parë vendosmërinë tuaj, jam i bindur se nuk do të jetë e largët dita kur energjia e rinisë do të përfshijë çdo shqiptar”, u shpreh Basha.
“Duhet të investojmë për të përgatitur krahun e punës së kualifikuar që të përfitojmë nga mundësia që na jep pozicioni në zemër të Europës”, tha Basha.
