Basha: Rama do të mbetet në histori për të këqijat që ka bërë

Kreu i Partisë Demokratike Lulzim Basha teksa foli para të rinjve nga qyteti i Krujës deklaroi se asnjëherë nuk do të punonte për të hyrë në histori, por për të bërë të mundur që Shqipëria të ketë një rini Europiane dhe se për të ky do të ishte shpërblimi më i madh.

Sipas Bashës njerëzit që punojnë për të qenë pjesë e historisë janë të destinuar për të qenë njerëz të tmerrshëm, diktatorë , psikopatë që shkaktojnë vetëm vuajtje popujve të vet, ose janë kaq shumë në dashuri me veten, sa nuk duan njeri tjetër.

“Prandaj, mos më kërko të jem kryeministër që të bëj gjithçka për të mbetur në histori. Rama, mendoj se do të hyjë në histori për shumë të këqija që i ka bërë vendit.  Neroni ka ngelur në histori se dogji Romën, ky është Neroni i Shqipërisë, vetëm se nuk ia ka vënë flakën në kuptimin fizik dhe nuk do ta lëmë, por ka djegur shumë”, tha Basha.

Teksa foli për denoncimit dhe të vërtetat që u ka thënë shqiptarëve, Basha bëri një krahasim me Macron.

LEXO EDHE  Aksident horror në Vlorë, ambulanca e morgut arrin përpara urgjencës (VIDEO)

Sipas tij Macron gjatë një interviste për The Economist, ka thënë atë që Basha ua ka bërë të ditur shqiptarëve disa javë më parë. Ndërkohë më tej shtoi se Rama duhet t’i jetë falënderues Presidentit të Francës Emanuel Macron sepse na shpëtoi nderin.

“ Macron tha se nuk do ta ndajmë Shqipërinë nga Maqedonia e Veriut, sepse gjysma e vendeve ishin për ta ndarë Shqipërinë. Pse? Është rinia e Maqedonisë së Veriut më e zonja se rinia jonë?! Ishte ndëshkim për Edi Ramën, që na ndëshkon ne. Ishte dështim i tij që na ndëshkon ne.

Shpërblimi më i madh për mua nuk është të mbetem në histori, por t’i shoh shqiptarët, veçanërisht rininë, të kenë të njëjtat shanse dhe mundësi si rinia Europiane, kam jetuar në Europë, kam qenë student dhe një nga gjërat që më ka motivuar tek çështje publike, politika pra, ishte se jo vetëm nuk kishim asnjë inferioritet prej holandezëve, por në shumë fusha ne garonim dhe dilnim të parët. Shqiptarit, po I dhe mundësi, nuk ka kufi në suksesin e vet”, tha Basha.