Ish kryeministri i Kosovës Ramush Haradinaj, ka reaguar pas lajmit për thirrjen e Kadri Veselit nga Gjykata e Hagës me qëllim që të merret në pyetje. Në një postin në rrjetin social Facebook, Haradinaj shkruan se rruga drejt së vërtetës do të gjendet dhe se Kadri Veseli është një nga Udhëheqësit e UÇK, i cili ka luftuar kundër shtypjes dhe mizorive të Serbisë mbi popullin e Kosovës.
Edhe Haradinaj është i ftuar në Hagë për të dëshmuar. Pikërisht kjo thirrje u bë shkak që ai të jepte dorëheqjen dhe të çonte vendin në zgjedhje të parakohshme.
Statusi
Kadri Veseli, si një nga udhëheqësit e Ushtrisë Çlirimtare të Kosovës ka luftuar kundër shtypjes dhe mizorive të Serbisë mbi popullin e Kosovës, si çdo luftëtar i lirisë, dhe do ta mbrojë pastërtinë e kësaj lufte me dinjitet. I bindur se edhe kësaj radhe do të ngadhënjejë e vërteta dhe e drejta jonë.
