Një burrë u arrestua nën dyshimin e kontrabandës së migrantëve në Britani, pasi 15 persona u gjetën të fshehur në pjesën e pasme të një kamioni. Kjo ndodhi vetëm dy javë pasi 39 trupa migrantësh u gjetën brenda një kamioni të ngjashëm në Essex.
Policia ndaloi automjetin në një rrugë të madhe pranë Chippenham në Wiltshire County, në jug-perëndim të Anglisë, pasi një anëtar i publikut raportoi “veprimtari të dyshimtë” që përfshinte kamionin. Oficerët më pas zbuluan 15 persona të fshehur .
Nuk është e qartë se nga ka ardhur ky grup migrantësh, por policia tha që të gjithë duket se janë mbi 16 vjeç. Një person u shtrua në spital për kontrolle të mëtejshme mjekësore, ndërsa të tjerët u ndaluan. Një burrë gjithashtu u arrestua me dyshimin se kishte ndihmuar për hyrjen e paligjshme në Mbretërinë e Bashkuar.
Në një rast tronditës muajin e kaluar, 39 migrantë u gjetën të vdekur në një kamion në Essex. Ata besohet se kanë ardhur nga Vietnami dhe janë mbytur brenda automjetit të mbushur plot. Më pas shoferi u akuzua për vrasje.
A sea of blue on the A350 tonight. Great team work with @wiltshirepolice @DWFireRescue @swasFT pic.twitter.com/E6bAlcjl24
— Wilts Specialist Ops (@WiltsSpecOps) November 7, 2019
