Maurizio Sarri “djeg” Federico Bernardeschin. 25-vjeçari duket se nuk e bind plotësisht trajnerin toskan, i cili preferon më shumë Dybalan e Douglas Costan si zëvendësues të Ronaldos e Higuainit, duke e çuar shpeshherë në tribunë sulmuesin.
Kjo zgjedhje e numrit një të stolit bardhezi ka bërë që e ardhmja e futbollistit të vihet seriozisht në dyshim te “Zonja e Vjetër”. Largimi në merkaton e janarit mund të shihet si një opsion për t’u aktivizuar më shumë diku tjetër, pasi edhe ofertat në drejtim të futbollistit nuk mungojnë.
Gjithsesi, çdo gjë varet nga vetë Bernardeschi, i cili, nëse përmirësohet, mund të luajë të gjitha shanset për të qëndruar në Torino.
