Kreu demokrat Lulzim Basha theksoi sot nga Korça se ndryshimi do të vijë përmes rinisë. Basha theksoi se lëvizja e studentëve është fillimi i një pranvere që nuk ka për t’u ndalur dot.
Një prej studentëve të pranishëm, duke iu drejtuar Bashës, i tha se në protestën e vitit të kaluar ishte bërë gabim që nuk u lejua përfshirja e politikës dhe se rezultati i protestës ishte një kartë student që nuk vlen a spër autobuzin.
“Lëvizja ishte e studentëve, ishte e jashtëzakonshme, shumë frymëzuese dhe i parapriu një zgjimi të madh.
Sado e errët t’ju duket e sotmja, sado tëmërzitur të jemi me skandalin e përditshëm, mjafton të shohim rininë në sy dhe të shohim që ka shpresë dhe se ndryshimi do të vojë përmes rinisë.
Dua të them që me rastin e protestës së studentëve, ne shpalosëm programin tonë për arsimin, program të cilin duam ta konsolidojmë jmë dhe ta vëmë në jetë menjëherë ditën kur do të besohet me votë qeverisja e vendit”, tha Basha.
Në vijim, duke iu drejtuar studentëve, Basha i kërkoi të mos shkurajohen.
“Mos kujtoni se protesta juaj shkoi dëm dhe energjia juaj shkoi dëm. Ishte fillimi i një pranvere që nuk ka për t’u ndalur dot. Ndryshimi do të vijë. Detyra ime dhe e jona është që ky ndryshim të mos jetë vetëm rotacion, por të ketë ndryshimi i vërtetë që doni dhe meritoni secili prej jush.
Për këtë garancia jeni ju. Ju keni forcën t’i kundërviheni të keqes, të qendroni përballë të keqes dhe të jeni energjia për të mirën dhe të bukurën që Shqipëria meriton dhe do të ketë. Për këtë jam i bindur.
Prandaj, zotimi im kryesor është t’ju kthejmë ju vendimarrjen, zërin tuaj me gjithçka ka të bëjë me ju dhe me familjet tuaj, përmes një sistemi politik transparent dhe të hapur, që do të ketë garë, që do të ketë mundësinë t’ju fuqizojë përmes votës suaj dhe garës kudo tjetër. Në këtë mënyrë ëhstë dnërtuar Europa. Nuk ka rrugë të shkurtër drejt Europës. E vetmja mënyrë sesi të shkojmë në Europë, është duke u sjellë si europianë”, tha Basha.
