Kreu i Partisë Demokristiane, Nard Ndoka, në një intervistë për Report Tv, i pyetur se nëse do të vijoi bashkëpunimin me Partinë Demokratike me të njëjtin intensitet edhe në të ardhmen, është shprehur se pozitiv për një gjë të tillë. “Pavarësisht debateve mes aleatëve në opozitë”, ka theksuar Ndoka “nuk ka pengesa për të mosvijuar më tej bashkëpunimin.”
“Ne kemi një bashkëpunim politik institucional me Partinë Demokratike.
Padyshim që midis nesh ka debate politike dhe mosmarrëveshje, ka debate në vendimmarrje për tematika të ndryshme, por nuk ka pengesa për të qenë se bashku.
Në këtë sens nuk shoh jo vetëm ndërmjet Partisë Demokristiane dhe PD-së, por edhe partive të tjera probleme për një bashkëpunim të mëtejshëm me PD-në. Ne jemi përpjekur të kemi një alternativë të përbashkët me PD”, është shprehur Nard Ndoka.
