“Për shqiptarët dielli lind në perëndim”, mesazhi i fortë për Ramën nga Gjakova

Pas Tiranës, Shkodrës dhe Elbasanit, tryeza e radhes i kaloi kufijtë administrativë të Shqipërisë dhe shkoi në vatrën e patriotizmit dhe qytetarisë, qëndrestarëve dhe veprimtarëve të çështjes kombëtare, Gjakovë.

Doktorë shkencash, patriotë, pedagoge, gazetarë dhe studentë u bashkuan në diskutimin e njohur tanimë “Për shqiptarët dielli lind në perëndim”.

Një inisiative e marë pas hedhjes në treg nga Kryeministri Rama, të një “mini shengeni ballkanik” me Serbinë, e që për ne nuk është asgjë tjetër veçse “Jugosllavia e Re”, shkruan gazetari dhe aktivisti Aulon Kalaja.

Në bashkëpunim me “Shoqatën e Intelektualeve ‘Jakova’, Gjakova”, kësaj tryeze iu dha nje tjetër domethënie dhe një tjetër dimension kombëtar. Interesi për këtë çështje në Gjakovë është mjaft i madh sepse Kosova është tradhëtuar nga Rama dhe po bisedohet me Serbinë pa praninë e saj.

“Nuk mund të vendosë për Kosovën Edi Rama, por shqiptarët. Shqiptarët duan të bashkohen me Kosovën dhe jo me Serbinë. Edi Rama është ai kryeministër që më së shumti është takuar me liderët politikë serbë, se ata shqiptarë të Kosovës. Nuk mund të bëhet pazar me fatet e kombit”,-ishin disa nga fjalitë më të pranishme.

LEXO EDHE  Arrestohet botuesi Henri Çili, ja për çfarë dyshohet

Edhe një herë tjetër u theksua se shqiptarët duan të shkojne kah perëndimi dhe jo nga lindja dhe asnjë individ nuk mund të vendosë mbi këtë aspiratë dhe orientim përveçse popullit shqiptar, kudo që ai jeton.

Kthehemi me zemren plot nga Gjakova, sepse pritja e ngrohtë dhe mbështetja e gjerë na frymëzon për t’a cuar përpara këtë nismë, shkruan në postimin e tij Kalaja.
Lëvizja do të vazhdojë dhe në qytete të tjera dhe ndalesa e radhës u vendos Fieri.