Kryetari i Parlamentit Evropian, David Sassoli, pritet të vizitojë të hënën Maqedoninë e Veriut.
Ky do jetë udhëtimi i parë i tij jashtë vendit i Sassolit, që kur mori detyrën.
Në një deklaratë për mediat, kreu i PE-së u shpreh se gjatë vizitës në Shkup do të takohet me presidentin Stevo Pendarovski, kryeministrin Zoran Zaev, kryeparlamentarin Talat Xhaferrin dhe grupe të tjera politike.
Sassoli pritet të vizitojë edhe Tiranën në fillim të dhjetorit, për të diskutuar mbi perspektiven europiane pas dështimit me hapjen e negociatave.
Kryetari i ri i Parlamentit Evropian ka deklaruar se vizitat e tij në Ballkan shprehin besimin se këto vende kanë bërë përpjekje të mëdha për t’u bërë anëtare të Bashkimit Europian.
