Djali i kreut të partisë NISMA-s për Kosovën dhe njëherësh zv.kryeministrit në detyrë të Kosovës, Fatmir Limajt, Durim Limaj, shpesh herë është cekur nga mediat kosovare për jetën e shthurur dhe shpenzimet luksoze.
Në disa media kosovare ka qarkulluar gjatë ditës së sotme një foto teksa shihet Ministri në detyrë i Tregtisë dhe Industrisë së Kosovës (MTI) nga radhët e NISMA-s, Endrit Shala, së bashku me djalin e kreut të NISMA-s, Durim Limajn teksa janë në një diskotekë pranë Berlinit në Gjermani dhe pozojnë përpara një vaske të mbushur me shishe alkooli të shtrenjta.
Durim Limaj është njëkohësisht edhe këshilltar i lartë politik dhe shef i kabinetit të ministrit në detyrë të Ministrisë së Tregtisë, Endrit Shalës.
