FSHF ka bërë të ditur, nëpërmjet një njoftimi në faqen zyrtare se ndeshja e femrave mes Vllaznisë dhe Apolonisë do të shtyhet.
Ndeshje kjo që ishte programuar të zhvillohej në datën 3 nëntor, ora 19:00, në “Arenën Kombëtare”, si ndeshje testuese para asaj me Francën.
Nga njoftimi i FSHF, shkak i anulimit është bërë rimbjellja e fushës për periudhën e dimrit ku pas konsultave me kompaninë greke që merret me mirëmbajtjen e tapetit u vendos që ndeshja të shtyhej.
Ky takim do të luhet të dielën e 10 nëntorit dhe FSHF bën me dije e biletat e shpërndara mund të përdoren në këtë datë.
