Policia e Krujës arrestoi një grua, banore në fshatin Nuaj, pasi në banesën e saj u gjet një sasi prej 16 kg kanabis. Policia tha se ka shpallur në kërkim edhe djalin e saj.
Në operacion e quajtur “Noja”, ka marrë pjesë edhe SHÇBA-ja. Gjatë operacionit u sekuestrohen 16 kg lëndë narkotike e llojit Cannabis Sativa.
Njoftimi i policisë
Specialistët për Hetimin e Krimeve në Komisariatin e Policisë Krujë, në bashkëpunim me SHÇBA-në në DVP Durrës, pas informacioneve të grumbulluara se në një banesë, në fshatin Nuaj kishte lëndë narkotike organizuan dhe zhvilluan operacionin policor të koduar “Noja”.
Si rezultat i operacionit u arrestua në flagrancë shtetasja:
D. M., 47 vjeçe, banuese në Krujë dhe u shpall në kërkim djali i saj shtetasi C. M., 27 vjeç.
Gjithashtu u procedua penalisht në gjendje të lirë edhe shtetasi Xh. M., 73 vjeç, banues në Krujë.
Gjatë kontrollit në banesën e tyre, shërbimet e Policisë gjetën dhe sekuestruan në cilësinë e provës materiale 16 kg lëndë narkotike, e dyshuar si Cannabis sativa.
Materialet i kaluan Prokurorisë së Rrethit Gjyqësor Krujë, për veprën penale “Prodhimi dhe shitja e narkotikëve”, e kryer në bashkëpunim.
