Grupi parlamentar demokrat, që kryesohet nga Korab Lita, do të mbetet me 9 deputetë.
Vendimi u bë publik gjatë seancës së sotme parlamentare nga deputeti Lita, sipas të cilit në mbledhjen e 24 tetorit u vendos që përkohësisht të mos pranohen kërkesat e deputetëve të tjerë, për t’iu bashkuar grupimit parlamentar “Demokrat”.
“Me 5 vota pro dhe 3 kundra ne vendosëm që për momentin mos të pranojmë kërkesat e deputetëve për t’iu bashkuar grupit tonë parlamentar”, tha Lita.
Deputetët që kërkuan ti bashkangjiten grupimit parlamentar ishin Ligoraq Karamelo, Majlinda Halili, Krenar Ryci, Elda Hoti dhe Vasil Stejovski.
Duket se deputetët kërkuan t’i bashkohen grupimit parlamentar “Demokrat” për të ndryshuar balancat lidhur me kreun e Grupimit Parlamentar.
