Avokati i banorëve të Unazës së Re, Artan Manushaqe, e ka konsideruar një pikë më shumë në favor të kauzës së banorëve të Astir, për të mbrojtur banesat, refuzimin e Bankës Evropiane të Investimeve për të kredituar sheshimin e zonës.
“Banka Evropiane e Investimeve e refuzoi kredinë e kërkuar nga “Fiku i bashkisë” për të shembur banesat e Unazës së Re nga krahu i lumit Lana!.
Arsyet e refuzimit janë paligjshmëritë e një projekti korruptiv te Unaza e Re.
Çdo skenar për shkatërrimin e banesave te Unaza e Re ka për të dështuar e do t’ju kthehet në bumerang, atyre që mendojnë se ky vend nuk ka Kushtetutë e Zot!”, shprehet avokati i banorëve, që protestojnë prej më shumë se 1 viti kundër projektit që shemb banesat dhe bizneset e tyre.
