Milicia kurde në Siri dhe Njësitë e Mbrojtjes Popullore njoftuan se, përveç liderit të ISIS Abu Bakr al-Baghdadi, është vrarë edhe zëdhënësi i tij.
Abu Al-Hassan Al-Muhajir u eleminua në një aksion të përbashkët në veri të Sirisë mes forcave amerikane dhe kurdëve.
Abu Al-Hassan Al-Muhajir dyshohet të ketë qenë krahu i djathtë e liderit të Shtetit Islamik Abu Bakr Al-Baghdadi, raporton Reuters.
Forcat Demokratike Siriane thonë se ata synuan një objektiv pranë qytetit kufitar sirian Jarablus, bazuar në informacionet e inteligjencës dhe ushtrisë amerikane.
Komandanti i SDF, Mazlum Abdi tha se, ky ishte “vazhdimi i një operacioni të mëparshëm” gjatë të cilit u vra lideri i Shtetit Islamik.
Abdi e quajti zëdhënësin Muhajir “krahu i djathtë” i liderit të Shtetit Islamik.
