Tre persona do të ndiqen penalisht në gjendje të lirë për organizim të lotarive të palejuara, fshehje të të ardhurave dhe punësim të paligjshëm.
Sipas një njoftimi zyrtar, policia zbuloi në Cërrik, një lokal ku sekuestroi 7 kompjutera që shërbenin për zhvillimin e lojërave të fatit.
Njoftimi i policisë
Vijojnë kontrollet për evidentimin dhe ndëshkimin e atyre personave që vijojnë ende të ushtrojnë aktivitetin e kundërligjshëm të lojërave të fatit.
Sekuestrohen në cilësinë e provave materiale 7 kompjutera, pa dokumentacion.
Procedohen penalisht 3 shtetas.
Në kuadër të kontrolleve për parandalimin, evidentimin dhe ndëshkimin e veprimtarisë së paligjshme të lojërave të fatit, shërbimet e Komisariatit të Policisë Cërrik, gjatë kontrollit të ushtruar, në fshatin Gostimë, Cërrik, në një lokal në pronësi të shtetasit A.B., të cilin e kishin marrë me qira shtetasit E.B dhe E.H., kanë konstatuar se zhvillohej aktivitet i kundërligjshëm i lojërave të fatit.
Në përfundim të veprimeve të para procedurale, Specialistët për Hetimin e Krimit proceduan penalisht penalisht në gjendje të lirë shtetasit:
E. B., 29 vjeç dhe E. H., 35 vjeç, për veprat penale “Punësim i paligjshëm”, “Fshehja e të ardhurave” dhe “Organizimi i lotarive të palejuara”;
A. B., 47 vjeç, për veprën penale “Vënia në dispozicion e lokaleve për lojërat e fatit”;
Gjithashtu u sekuestruan në cilësinë e provës materiale 7 kompjutera që shërbenin për zhvillimin e lojërave të fatit.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
