Policia dhe Prokuroria e Durrësit njoftuan sot zhvillimin e një operacioni që çoi në arrestimin e 21 zyrtarëve dhe ish-zyrtarëve të hipotekës dhe ish-kryekomunarë.
Të arrestuarit akuzohen si pjesë e një grupi të strukturuar kriminal që kanë tjetërsuar mbi 68 mijë m2, që ia kanë dhënë personave të tretë, kundrejt përfitimeve të ndryshme.
Hetimi i prokurorisë, që çoi në arrestimin e zyrtarëve dhe ish-zyrtarëve, ka nisur pas kontrollit të ushtruar në hipotekën e Durrësit nga Zyra Qendrore e Pasurive të Paluajtshme.
Ndërkohë, mes të arrestuarve rezultojnë edhe disa funksionarë dhe të afërm të drejtuesve të PS-së.
Rovin Meqja, një prej të arrestuarve, është kunati i kryetarit të qarkut durrës Alfred Mullaraj. Ky i fundit u rizgjodh një javë më pare kryetar qarku.
Mes Alfred Mullarajt dhe Valbona Sakos ka pasur përplasje në mbledhjet e këshillit bashkiak Durres ku Sako e ka ‘akuzuar’ mullarajn se nuk ka kontrobuar në asnjë nga rastet e evidentimit të dëmeve nga tërmeti.
Mes të arrestuarve është Ardian Iljazi, koordinator dhe anëtar i kryesisë së PS-së.
Gjithashtu pjesë e atij që prokuroria dhe policia e quan grup të strukturuar kriminal është edhe Dorian Kollaj, që mban funksionin e Sekretarit Organizativ të degës së PS-së në Durrës.
Njoftimi zyrtar
Rovin Meqja, 34 vjeç, ish-hartograf në Zyrën Vendore të Regjistrimit të Pasurisë së Paluajtshme Durrës, i dyshuar për veprat penale “Falsifikimi i dokumenteve” dhe “Shpërdorimi i detyrës” (e kryer në bashkëpunim dhe më shumë se njëherë).
Dorian Kollaj, 36 vjeç, ish-hartograf në Zyrën Vendore të Regjistrimit të Pasurisë së Paluajtshme Durrës, i dyshuar për veprat penale “Shpërdorimi i detyrës” dhe “Falsifikimi i dokumenteve”.
Ardian lIjazaj, 35 vjeç, ish-Drejtori i Zyrës Vendore të Regjistrimit të Pasurisë së Paluajtshme Durrës, i dyshuar për veprat penale “Shpërdorimi i detyrës” dhe “Falsifikimi i dokumenteve”.
