Meta kundër Strakoshës/ Ja video që poston Presidenti

Kreu i shtetit Ilir Meta e ka shprehur hapur pasionin e tij për sportin si dhe skuadrën e futbollit Celtic. Skocezët luajtën dje në shtëpi kundër Lazio-s së Thoma Stakoshës.

Ndeshja u mbyll me fitoren e vendasve me rezultatin 2-1, duke forcuar pozitat në vendin e parë të grupit E, në Uefa Europa Legaue.

Fitore që u arrit edhe falë një pritje në fund të ndeshjes të gardianit të Celtic.

Pikërisht këtë moment risjell kreu i shtetit Ilir Meta, përmes një postimi në rrjetet sociale.

“Shijoni pritjen spektakolare në sekondat e fundit të natës së mbrëmshme magjike, të heroit të Celtic FC FraserForster! Nuk arrij t’u besoj syve, edhe pasi e kam parë me dhjetëra herë! Jemi me fat që luan për ne! Hail Hail!”, shkruan Meta në një postim në Twitter.

LEXO EDHE  Jetë aliene në sistemin tonë diellor/ NASA zbulon oqeanin e fshehur në planetin Ceres