Ish-deputetja e LSI-së, Silva Caka, ka reaguar përmes një komenti në rrjetet sociale, lidhur me dënimin me shërbim prove të Egon Velajt, ish-drejtor i ALUIZNI-t, i cili pak ditë më parë, ndërkohë që ishte në proces gjykimi për “shpërdorim detyre” u emërua me firmë të ministres së Drejtësisë Etilda Gjonaj në postin e drejtorit të Burgut të Vlorës.
Paç fatin e Egon Veliajt, shkruan Caka në rrjet, duke shtuar se tani që u dënua i rritet vlera në bursën e Rilindjes dhe bëhet automatikisht një kandidat potencial për deputet/kryetar bashkie/ministër.
Postimi i Silva Cakaj
Paç fatin e Egon Velaj!
Egon Velaj, drejtonte zyrën e Aluiznit në Vlorë deri një vit më parë, kur Etilda Gjonaj e shkarkoi publikisht, si një zyrtar të korruptuar.
Mirëpo sistemi i meritave kriminale në Rilindje, rezervoi një tjetër detyrë shumë të rëndësishme shtetërore për Egonin, i cili edhe pse i shkarkuar nga Etilda Gjonaj për korrupsion, u caktua po nga Etilda Gjonaj, të drejtonte Paraburgimin e Vlorës, deri në momentin që u vendos nën akuzë nga Prokuroria, për shpërdorim detyre.
Edhe pse Egon Velaj ishte vendosur nën akuzë zyrtare nga Prokuroria, Etilda Gjonaj përsëri nuk pyeti hiç (ashtu siç nuk pyeti kur ekstradoi Nezarin, në shkelje të plotë të ligjit për ekstradimin) dhe e ngriti Egonin përsëri në detyrë, duke e emëruar atë Drejtor në Burgun e Vlorës.
Sot, Egoni është shpallur fajtor për akuzën e ngritur nga Prokuroria dhe është dënuar nga Gjykata e Vlorës me 6 muaj burg, të cilat i janë konvertuar në shërbim prove.
Tani që u dënua, Egonit i rritet vlera në bursën e Rilindjes dhe bëhet automatikisht një kandidat potencial për deputet/kryetar bashkie/ministër.
Rroftë sistemi i vlerave kriminale në Rilindje!
#EgonVelajForMinister
Emërohet në krye të burgut të Vlorës, prokuroria kërkoi dënimin me burg/ Emri
