Dhjetra forca policore u angazhuar kundër një proteste të disa grave, kryesisht banore të Astir, që kërkojnë largimin nga Shqipëria të Ambasadorit të OSBE-së, Bernd Borchardt.
Policia ka ndërhyrë kundër grave protestuese, duke tentuar të shpërndajë protestën, ndërsa një prej protestueseve iu drejtua një punonjëseje të policisë: “atë gishtin e ngriti dhe ndaj jush, dhe ndaj nënave tuaja”.
Protestueset kanë kërkuar dorëheqjen e ambasadorit të OSBE-së dhe shpalljen e tij non grata, pas gjestit fyes që ai bëri pak ditë më parë në drejtimin e tyre.
