Një 18-vjeëar shqiptar rrezikon të dëbohet nga Britania e Madhe, pas 3 vitesh qëndrimi atje.
Adoleshenti ishte 15 vjeç, ku ka hyrë në Britaninë e Madhe, i fshehur në një kamion. Adoleshenti kishte udhëtuar nga Brukseli drejt Bristolit, 3 vjet më parë, ndërsa sot rrezikon të dëbohet.
Metro.co.uk, në një artikull të saj, shkruan mbi Sametin, adoleshentin shqiptar, i cili ka kaluar një fëmijëri të vështuirë.
Që 11 vjeç atë e detyronin të lypte dhe në moshën 15 vjeç, u morr dhunshëm nga babai i tij, në një udhëtim drejt Brukselit, një nyjë famëkeqe për trafikun e njerëzve në zemër të Evropës.
Sameti arriti t’ia mbathte dhe shijoi lirinë, për herë të parë.
Ai udhëtoi me një kamion, i fshehur, drejt Bristolit, ku për 6 muaj, qëndrioi në një shtëpi fëmijësh.
Më pas, shërbimet sociale e dërguan Sametin të jetonte me John Stokes, një kujdestar i besuar në zonë që kishte mbështetur afro 80 fëmijë me probleme dhe me shqetësime për 30 vjet.
Që kur mbërriti në Bristol në moshën 15 vjeç, ai mezi fliste anglisht, por tani jeta e Sametit ka ndryshuar, dhe ëndrra e tij për t’u bërë marangoz është duke u përmbushur
Mirëpo, sapo mbushi 18 vjeç muajin e kaluar, Home Office i dërgoi një letër që ia copëtoi ëndrrat, duke e njoftuar se kërkesa e tij për të qëndruar në Britani ishte refuzuar.
Sameti tani është i frikësuar për kthimin e tij në atdhe ku nuk ka asgjë për të kujtuar veç traumës.
