Përplasjet e krijuara te “opozita e re” sikundër quhen deputetët që kanë marrë mandatet pas dorëzimit të tyre nga ligjvënësit e PD dhe LSI, vijojnë.
Kështu pasi Korab Lita mori drejtimin e Grupit parlamentar Demokrat, që shënoi përplasjen e parë, ai duket se ka spostuar Rudina Hajdarin nga Komisioni për reformën Zgjedhore.
Në ndarjen e grupeve të punës, emri i deputetes Hajdari nuk figuron, ndërkohë që Korab Lita, bashkë me Adriatik Alimadhin, Alket Hysenin dhe Adnor Shametin bëjnë pjesë në grupin e punës për Emigrantët.
Bie në sy fakti se deputeti tjetër i opozitës së re, Ralf Gjoni, bën pjesë në grupin e punës për Fionancimin e Partive Politike, ku gjithashtu janë: Blerina Gjylameti, Klotilda Ferhati dhe Arben Elezi.
