Kryeministri Edi Rama ka paralajmëruar nga selia e PS-së se do të ketë takime me liderë europianë, përfshi edhe Presidentin e Francës, Emmanuel Macron.
Pas dështimit në hapjen e negociatave, Rama dhe shumë prej zyrtarëve të Rilindjes drejtuan përgjegjësinë ndaj Macron, i cili në anën tjetër ka pohuar se shumë nga vendet anëtare të BE-së ishin kundër një “PO” për negociatat me Shqipërinë.
” Kemi diskutuar dhe për temën e ditës, lidhur me mos marrjen e vendimtit të merituar për Shqipërinë dhe kemi rënë dakrod se kjo nuk ndryshon asgjë në trajektoren tonë për rrugën drejt Evropës.
Në ditët në vijim do të kem takime me Macron dhe me drejtues të tjerë të vendeve anëtare për të kuptuar më shumë. Jemi të qartë që do vijojmë më tej punën dhe nesë do kishim marrë një “po”, detyrat janë po ato që kemi pasur dhe në fillim.
Në Kuvend duhet të miratojmë rekomandimet e OSBE”, tha Rama në përfundim të mbledhjes së Kryesisë së PS-së.
