Ish-deputetja e Partisë Demokratike, Lajla Përnaska ka folur së fundmi rreth mënyrës sesi vishen politikanët dhe punonjësit e administratës publike në vend. E ftuar në emisionin e mëngjesit “Ditë e Re”, Përnaska u shpreh se në institucionet shqiptare thyhet kodi i veshjes. Më tej, ish-deputetja nuk ngurroi të thoshte emrin e politikanes që mendon se vishet më bukur.
“Në institucionet e botës perëndimore, qoftë në Evropë, qoftë në SHBA, respektohet shumë kodi institucional i veshjes dhe paraqitjes, si dhe janë shumë të avancuar si meshkujt dhe femrat e kësaj shoqërie në raport më Shqipërinë. Ne këtu i thyejmë kodet, në aspekte shumë të thjeshta. Por, ai lloj format kur thyhet, godet. Kështu që, është e rëndësishme që të jetë ekstravagancë pa kaluar në vulgaritet”-tha fillimisht Përnaska.
“Tek femra, vulgariteti është ekspozimi i tepërt, nxjerrja e trupit që është e papranueshme. Tek mashkulli, janë modele të paracaktuara, të papranueshme. Për sa kohë që është brenda estetikës dhe stil, është patjetër e pranueshme. Si paraqitje institucionale do veçoja Mimi Kodhelin. Nuk gabon asnjëherë”-vijoi më tej Përnaska.
Risjellim në vëmendje se ish-deputetja ka rikthyer prej kohësh në treg brandin e parë të modës shqiptare, të krijuar nga gjyshi i saj stilist Jonus Përnaska.
