Kryeministri EDI Rama ka reaguar lidhur me investimin e “Le Iene”. Emisionit investigiv italian ka publikuar rastin e Alvin Berishës, një fëmijë shqiptar 11 vjeç që ndodhet në një kamp të ISIS në Siri ku u çua nga nëna e tij dhe tashmë kërkon të rikthehet tek babai.
Në materialen e “LE IENE”, ambasadori Gent Gazheli, u thotë gazetarëve italianë dhe babait të fëmijës, se do të bënte gjithçka për të rikthyer në shtëpi, Alvinin e plagosur pas një bombardimi në Siri, në kampin ku u dërgua nga e ëma. Më pas, ai i mbyll telefonin gazetarit. Alvin Berisha, që të largohet nga kampi i ISIS duhet të tërhiqet nga një delegacion shqiptar, pasi është ende me shtetësi shqiptare, pavarësisht se i ati, Afrimi punon dhe jeton në Itali, transmetoi emisioni.
Në një deklaratë për mediat, Rama tha se “kjo nuk është punë ambasadash”, pasi në ato kampe nuk mund të ndërhyhet lehtë.
“Prej disa kohësh kam nxjerrë një urdhër një material i klasifikuar që se ndaj dot për shkak të sensibilitetit të lartë për shkak të personave, familjeve, që gjendjen në këtë territor për shkak të përfshirjes së burrave në një luftë për të tjerë në funksion të organizatës terroristë dhe kriminale të ISIS. Shqetësimi ynë ka lidhje me nevojën për të aksesuar ku ka dhe një numër letrash dhe në bashkëpunim me amerikanët ne kemi identifikuar, disponojmë të dhëna mbi identitetet e shumë prej personave, po janë të dhëna shumë sensitive për shkak se janë të rrezikuar në jetën e tyre, dhe tërheqja e tyre nuk bëhet as me ambasada as me ambasadorë se aksesi dhe gjithë procesi do një koordinim me partnerët. Kemi punuar intensivisht, kemi një plan veprimi të rakorduar me parterët tanë kryesorë, ka një sërë grupesh të përfshirë në këtë proces. S’mund ta ndaj këtë informacion, por dua të them se po të ishte çështje ambasadash apo ambasadorësh edhe vende të tjera do kishin tërhequr individët, mbi të gjitha gra dhe fëmijët që janë zgjedhje të gabuara të prindërve apo të afërmve”, tha Rama.
“Kam komunikuar dhe me babin e djalit dhe e kam sqaruar se është një çështje që s’varet nga ne. S’është pjesë e strukturave tona diplomatike se s’bëhet fjalë për kampe refugjatësh të zakonshëm. Gazetarët mund të hyjnë në këto kampe dhe kanë shkuar e kanë filmuar edhe brenda trupave të ISIS por s’është e njëjta gjë për të realizuar një operacion tërheqje të peronave që dhen nxjerrë nga kjo situatë. Duke shprehur gjithë keqardhjen dëshiroj ta ndaj me të tërë se e vërteta është kjo. Situata është më e ndërlikuar së fundmi se në atë territor ka një përplasje luftarake, ne do vazhdojmë punën dhe jemi në koordinim me partnerët”, shtoi.
