Nesër do të jepet vendimi për hapjen ose jo të negociatave për Shqipërinë për t’u integruar në BE.
Por vendi jonë ka disa “JO” dhe një prej tyre është nga Franca, arsyeja sipas presidentit Emmanuel Macron është kërkesa e lartë e azilkërkuesve shqiptarë.
Në lidhje me këtë ka reaguar dhe ish-kryeministrio Sali Berisha, i cili e falenderon publikisht presidentin francez nëpërmjet një postimi në Facebook.
Sipas tij, Macron damkosi politikën e Çubrolloviçit që kryeministri Rama ndjek në Shqipëri, politikat shpresëvrasëse që kanë si qëllim përzënien e shqiptarëve në tërësi dhe të rinjëve në veçanti nga Shqipëria.
Berisha shkruan se numri i lartë i azilkërkuesve shqiptarë përbën një problem serioz përbën një problem serioz për Francën, por që në të vërtetë përbën një fatkeqësi shumë herë më të madhe për vendin tonë.
Reagimi i plotë i Berishës:
Nje falenderim per presidentin Macron!
Ai damkosi dje politiken e Çubrolloviçit qe Edvin Mafia ndjek ne Shqiperi
Miq, une nuk e di se cili do jete vendimi qe do merret neser per Shqiperine dhe une kam shprehur qendrimin tim per hapjen e negociatave ndonese nuk jane plotesuar asnje nga kushtet e nje viti me pare.
Por une dua te falenderoj Presidentin Emanuel Macron, i cili natyrisht per shqetesime te vendit te tij vuri gishtin ne njeren nga plaget me te tmerrshme te shoqerise se sotme shqiptare, largimin e mijra e mijra shqiptareve dhe kerkesen e tyre per azil ne vendin e tij çka perben nje problem vertet serioz per Francen por qe ne te vertet perben nje fatekeqesi shume here me te madhe per Shqiperine, perben nje hemoragji te tmerrshme shperberese kombetare, largimin masiv te Rinise dhe vdekjen graduale te te ardhmes se kombit tone.
Spastrimi masiv etnik i shqiptareve ka ne baze zbatimin pike per pike te doktrines se Vaso Çubrlloviçit nga Zografi Bis ne Shqiperi, politikat shpresevrasese qe kane si qellim perzenien e shqiptareve ne teresi dhe te rinjve ne veçanti nga Shqiperia.
Miq, nje vit me pare kushti specifik, pervec atyre te Bundestagut qe vuri Franca dhe te gjitha vendet anetare te BE, ishte ulja e numrit te azilkerkuesve. Sot pas nje viti jo vetem nuk eshte plotesuar asnje kusht nga ato te Bundestagut por perkundrazi, per shkak te perkeqesimit te gjendjes jane shtuar dy defacto tre kushte tjera. Ndersa numri i azilkerkuesve nga Shqiperia ne France eshte rritur me 25%. Pikerisht per kete arsye Presidenti Macron damkosi dje boterisht politiken e shpopullimit te Shqiperise nga Zografi Bis duke deklaruar para mediave se:
“Kemi dhe gjëra të çuditshme në këtë proces(eshte fjala per zgjerimin, shen i imi).Për shembull kemi lëvizjen e lirë përpara se të hapen negociatat. Kemi lëvizjen e lirë me Shqipërinë pa hapur negociatat dhe kjo është një lloj marrëdhënie e çuditshme. Në mirëbesim kemi dhënë lëvizjen e lirë dhe kemi mijëra e mijëra persona që kërkojnë azil nga ky vend”, tha Macron.
Kurse Zografi Bis lan duart si pilati me politiken e vrasjes se shpreses, debimit te bute te shqiptareve nga vendi i tyre duke deklaruar se nuk do ta beje bunker Shqiperine duke aluduar kohen e eterve te tij mizor. sb
