Ish-ministri i Jashtëm, Ditmir Bushati, i ftuar në “Opinion” u shpreh se kushtet e vendosura nga Berlini nuk janë të tilla, por një plan pune për Shqipërinë.
“Ana tjetër e medaljes është se kushtet, apo detyrat e shtëpisë janë normale. Dokumenti i Bundestagut gjerman, ato që ju i quani kushte unë mund ti konsideroj edhe një plan punë për Shqipërinë”, tha Bushati.
Por deklarata e tij ka sjellë reagimin e ish-kryeministrit Sali Berisha.
Përmes një postimi në rrjet, Berisha shkruan se qëndrimi i Bushatit është në sinkron me zyrtarët e tjerë të qeverisë për të mashtruar shqiptarët.
Reagimi i plotë i Berishës:
“Duke ndjekur “Opinion”!
I pa imagjinueshem qendrimi i ish ministrit ne kor me zyrtaret e tjere per te mashtruar qytetaret shqiptare.
Çeshtja eshte shume e thjeshte. Vjet u percaktuan 7 kushte nga keshilli i ministrave te BE.
Nga keto kushte nuk u plotesua asnje i vetem. Kjo dhe vetem kjo eshte thelbi!
Kjo detyroi Bundestagun te shtoje nga 7 ne 9 kushte, de facto 10, dhe hapjes se negociatave vetem pas plotesimit te ketyre kushteve.
I gjetur para ketij mos plotesimi te asnjerit prej kushteve madje dhe perkeqesimit te disa prej tyre siç eshte rritja me 25% e azilkerkuesve nga Shqiperia, Presidenti Macron nuk pranoi te mashtrohet per se dyti se Shqiperia do plotesoje kushtet ndaj tha Stop mashtrimeve te ketyre vendeve dhe Komisionit Europian”
