Shefja e misionit të OSBE/ODIHR në Tiranë, Audrey Glover pas takimit me Bashën po zhvillon një tjetër takim.
Glover i ka shkuar në zyrë kryetares së Lëvizjes Socialiste për Integrim, Monika Kryemadhi. Ky takim k atë bjë më zgjedhjet vendore që u zhvilluan më 30 qershor të këtij viti dhe situatën e tensionuar politike në vend.
Glover dhe misioni i OSBE/ODIHR ndodhet në Tiranë që prej ditës së djeshme dhe do të qëndrojë deri më 17 tetor. Pritet që pas përfundimit të qëndrimit të tyre në Tiranë të paraqesin raportin përfundimtar për zgjedhjet e 30 qershorit.
Ndërkohë, në raportin paraprak të OSBE/ODIHR u theksua se votuesit nuk patën mundësi të zgjidhnin mes disa opsioneve politike, gjithashtu raporti paraprak vlerësoi pozitivisht votimin në një klimë të qetë dhe paqësore.