Nga Eglantina Nikolla
Pse u dashka trajtuar si viktime kjo Marsida? Me biznes, po. Shtepine ne pallat te ri. Kushtet me cfare pame nga TV ishin me te mira se mesatarja (per ne Kavaje madje mund te thuhet luks). Me thonj tipsa e te kuq flake. E gatshme per te dhene intervista. Para kameres se “Open” ishte kujdesur edhe per make up se si duket si kishte pelqyer vetja ne intervistat e meparshme…
Te ishte ne nje shtet tjeter e shihte mire Marsida nese do kishte shans te dilte here ne nje TV e here ne nje tjeter per te dhene intervista e alibira ne tentative per ti hedhur hi syve miletit. Pa iu dridhur qerpiku, a thua po tregonte serialin e radhes se ndonje telenovele turke.
Ne nje rast si ky, nje shtet qe eshte shtet, veprimin e pare qe do te kishte bere do te ishte rehabilitimi e trajtimi i femijeve. Gjetja emergjente e nje kujdestari te pergjegjshem. A do te kishte shans ti shihte me sy femijet ne nje shtet te europes nje nene qe e kthen shtepine ne baze droge? Ku kokaina pihet pa hesap ne prezence te tyre. Ku persona te armatosur me pistoleta e kallashnikove futen pa teklif ne banesen qe mungon i zoti i shtepise duke vene ne rrezik serioz jeten e tre te miturve. Ku nena qe kishte gjysmen e Kavajes “shoke” nuk kishte paresore mirerritjen, stabilitetin emocional dhe interesin me te larte te femijeve te saj. Shume gra aktiviste te shoqerise civile krehen floket neper parukerira keto dite dhe vrapuan te dalin ne televizore. Na u hakerryen ne mendje ngushteve se gjasme kishim kryqezuar dhe paragjykuar nje nene femijesh, nje femer. Na treguan se ne qenkerkshim te prapambetur pasi sot bota qenka e lire dhe secili ka te drejte ta jetoje jeten sic do, qofte edhe duke tradhetuar kuroren.
Jo mor jo, une nuk mund ti shtrengoj doren per asnje arsye nje gruaje qe tradheton burrin, qofte edhe nese nevojat e saj biologjike tejkalojne logjiken… Sepse tradhetia cenon nje nder parimet baze te marteses qe eshte besnikeria bashkeshortore. Personalisht s’mund ti jap ngjyrime te tjera figures se nje gruaje me tre kalamaj, e divorcuar nga burri i pare e me te dytin ne burg. Aq me teper ne nje qytet te vogel plot thashetheme e paragjykime ku dominon feja e mentaliteti aspak tolerant. Kesisoj, nje grua ne Kavaje ne kushtet e Marsides une e paramendoj ne punen e saj, ne perpjekje per te rritur ndershem femijet, pakez kokeulur ne tentative per te dale nga gojet e liga e ruajtur nderin e saj. Nuk ndiej pike obligimi ti dal ne mbrojtje kesaj gruaje qe zgjodhi rrugen me te shkurter per tu pasuruar duke shkelur cdo parim moral e ligjor. U dashka ta mbrojme “he, se eshte femer”?
Jo, para ligjit jemi te barabarte. Me beri shume pershtypje, se si kjo grua del ne TV dhe pa iu dridhur qerpiku thote se viktimen e kishte pasur shok. Se e ndihmonte ndonjehere qe te pinte kafe tek ajo duke qene se ai ishte ne kerkim, etj etj. Po ku e pinte konkretisht kete kafen ky i ndjeri per te cilin thua se dilte gjithnje i armatosur? Ke biznes bar- kafe ti, a ku? Pse nuk njoftove policine nese e dije se ky personi qe strehoje ti ishte ne kerkim? Aq me keq nese po te bezdiste e te kerkonte marredhenie jashte deshires tende… Se smund te flasim me per padije dhe injorance.
Nje kulture minimaliste juridike duhet ta kete cdokush sot, se po gelojne cdo dite televizionet me lajme e emisione. Po rrini gjithe diten neper rrjete sociale. Mos i perdorni rrjetet vec per rrjeta peshkimi dreqi ta haje…Te gjithe e dime se nese fshehim nje te kerkuar eshte veper penale. Nuk mund te justifikohemi me “nuk e dija”. Nuk je kaq e lare ti Marsida, se ne shtepi tu gjet kokaine, arme, persona me precedente, persona qe ishin ne hetim e pergjim. Epo te gjitha rastesisht aty tek ty… Ja, sic i nisni punet ashtu i bitisni. Prano kostot tani. Une nuk mund ta pranoj se je viktime. Ti bere nje zgjedhje me dashje e bashkepunove me persona te skeduar. Sepse te shijoi paraja. Smund te quhesh viktime kur ke biznes nje agjenci udhetimi. Ku i more parate zotrote? Ti dha burri qe ke ne burg per droge apo shoku i burrit qe pergjohej po per droge? Lerini viktimizimet. Une mbroj nje femer te dhunuar, te varfer etj etj, jo ty. Ty ste mbroj dot!!! Se po perballem cdo dite me gra te dhunuara e te divorcuara qe mezi sigurojne buken. Por sjane si ti. Shkojne ne pune ndoshta edhe te uritura. Ama behen shqiponja kur vjen puna per te mbrojtur jeten dhe interesin e femijeve te tyre.
