Kreu i Qeverisë italiane, Xhuzepe Konte, në një konferencë të përbashkët me homologun shqiptar, Edi Rama, gjatë vizitës në Tiranë, tha se vendi i tij mbështet hapjen e negociatave me BE-në.
“Do e përqafojmë këtë pozicion me shumë bindje dhe forcë”, tha Konte, duke shtuar se hyrja e Ballkanit Perëndimor në BE është një proces thelbësor.
“Shqipëria ndodhet në një fazë kyçe, i kërkohet të përmbushë reforma, që kanë një kosto, që kërkojnë një mbështetje të gjerë dhe jo vetëm politike.
Populli është shprehur pro BE-së dhe që të mos kemi vetëm deluzione, por edhe një përspektivë, por nëse shtyhet procesi, do të kemi edhe një zbehje”, tha Konte.
Lidhur me krizën politike në vend, Konte tha se palët duhet të dialogojnë.
“Situata politike në Shqipëri duhet të zgjidhet nga aktorët e brendshëm. Palët duhet të ulen, të dialogojnë pa kushte. Një gjë të tillë do e them edhe në takimet që do të zhvilloj më tej”, tha Konte, duke iu referuar takimeve që do të ketë me kreun demokrat Lulzim Basha dhe Presidentin Ilir Meta.
Në vijim, ai shtoi se mazhoranca të japë një platformë për të zgjidhur krizën.
