Ish-eurodeputetja për gjestin e Borchardt: Kur do reagojë Berlini zyrtar?

Ish-eurodeputetja Doris Pack kërkon reagimin e Berlinit zyrtar, lidhur me gjestin e pahijshëm të ambasadorit gjerman të OSBE-së Tiranë Bernd Borchardt, mbrëmjen e dy ditëve më parë.

“Kur do reagojë MPJ në Berlin teksa një diplomat gjerman, Borchardt, shefi i OSBE në Tiranë, i tregon gishtin e mesit protestuesve paqësorë që dalin në rrugë për shkak të shpronësimit të banesave”, pyet Pack, në një postim në rrjetet sociale.

Lidhur me rastin, Pack reagoi edhe një ditë më parë, duke e cilësuar gjestin e Borchardt të padenjë. “E padenjë për një ambasador. Kush do t’ia thotë atij këtë gjë?! Dhe kush do e bëjë që të ketë pasoja”, shprehej Pack.

Mbrëmjen e dy ditëve më parë, banorë të “Unazës së Re” protestuan te “Drejtoria e Policisë” së kryeqytetit, kundër arrestimeve që kreu policia fill pas protestës së tyre në zonën e “Unazës”. Në një moment, pranë disa banorëve kalon Borchardt i shoqëruar nga një zonjë. Nga ajo ç’ka është publikuar në media, dëgjohen protestues të thërrasin “Rama ik”. Borchardt i përgjigjet duke ngritur gishtin e mesit.

Pas gjestit pati reagime të shumta që dënonin sjelljen e ambasadorit. Nga LSI u kërkua largimi i tij nga Shqipëria. Ndërsa nga mazhoranca, gjesti i pahijshëm i Borchardt u justifikua. Elisa Spiropali, ministre e Shtetit për Marrëdhëniet me Parlamentin, njëkohësisht zëdhënëse e qeverisë, tha se ambasadori u provokua teksa po kalonte rrugën bashkë me të shoqen.

LEXO EDHE  “Kapja e vetingut u paralajmërua që në 2015-n”, Vasili publikon raportin: Venecia e parashikoi si rrezik madhor

Vetë Borchardt, një ditë më parë, kërkoi falje për gjestin. “Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”,  thuhet në reagimin e Borchardt në Twitter.

Jashte nga Shqiperia Borchard!!(VIDEO).Ky alabak,qe guxon dhe u tregon gishtin e mesit shqiptareve.Ky qe qepi gojen per votimet puniste te 30 qershorit.Ky qe mbylli gojen per raportin e OSBE -ODIHR per 30 qershorin.Ky qe paturpesisht ndryshoi fjalen brenda nates per drogen qe mbuloi Shqiperine.Ky qe ne 2008 i beri duart flake kur duatrokiste shkaterrimin e kushtetutes dhe zgjedhjeve.Ky nuk eshte OSBE,ky nuk Europa ky eshte thjesht nje individ i akaparuar.Presim tane qe Edi Rama t'ja marre perqafe gishtin qe ngriti Borchard dhe ti kerkoje atij ndjese ,hë jepi Edi ç'pret?

Gepostet von Petrit Vasili am Montag, 14. Oktober 2019