Ministrja e Shtetit për Marrëdhëniet me Parlamentin, Elisa Spiropali e ftuar në emisionin “5 pyetjet nga Babaramo” ka folur lidhur me shkarkimin e presidentit të Republikës, Ilir Metën.
E pyetur nga Babaramo, lidhur me mendimin e kryeministrit Edi Rama për rastin e Metës, ministrja u shpreh se nuk flasin për të.
“Ne me Ramën nuk diskutojmë ambiciet tona për Ilir Metën. Ne shpëtuam demokracinë duke zhvilluar ato zgjedhje. Presim vendimin. Zgjedhjet e 30 Qeshorit janë të pacënueshme”, deklaroi Spiropali, sipas të cilës Venecia’ e thotë qartë se Meta e shkeli Kushtetutën me anulimin e zgjedhjeve.
“E kam lexuar nga fillimi në fund raportin, nuk ka asgjë të re nga raporti paraprak. Nuk ka aty as tentativë për vrasje, as në variantin e parë as të dytë, as nuk ka. Komisioni i Venecias është trupë profesioniste, nuk ka lidhje me emocionet dhe shigjetat politike. Por ka dalë me disa konkluzione për zhdekretimin e zgjedhjeve. Edhe ky term shihet me habi duke vendosur në habi seriozitetin e këtij procesi. Komisioni thotë se duke qenë rast i rrallë është e vështirë për të nxjerrë modele për vende të tjera”, tha ajo.
Në vijim Spiropali ka akuzuar opozitën dhe Lulzim Bashën për vendosjen në shënjestër të ambasadorit të OSBE-së në Shqipëri, Bernd Borchardt. Sipas saj, Borchardt u provokua teksa po kalonte rrugën. “Ai ishte në rrugë me gruan e tij. Ai është vendosur në sulmin e paprecedent, të Lulzim Bashës dhe të tjerëve, i kanë shkruar te dera e shtëpisë dhe i kanë shkruar si hebrenjve. E kanë sulmuar dhe lincuar.
Ai ishte i provokuar ty, sikur ishte te shtëpia e tij. Ai ishte duke kaluar si qytetar i lirë në rrugët e Tiranës, asnjë nuk ka të drejtë të të cënojë. Nuk ka ndodhur ndonjëherë që ndonjë ambasador të lincohet publikisht. Ky ambasador ua di shumë mirë hiletë të gjithëve. Ky është turp i madh dhe të mos guxojnë më këta që të sulmojnë ambasadorë. Nuk janë këta arsyet e humbjes së tyre, por kjo logjikë”, tha ajo.
