Kryeministri Edi Rama deklaroi sot se dielli do të lindë sërisht me datën 19 tetor, edhe nëse BE nuk vendos për hapjen e negociatave me Shqipërinë dhe Maqedoninë e Veriut.
Rama tha se për ne Europa është një hapësirë paqeje dhe sigurie, duke shtuar se ajo që po kërkojmë ne është ajo që meritojmë, hapjen e negociatave, dhe jo anëtarësim në BE.
Në konferencën e përbashkët për mediat me Kryeministrin italian, Rama tha se ne jemi në një histori dashurie me Europën.
“Dikush që dëshiron që të vendosë fjalën, të përfundojë një martesë nuk mund të shërbejë si shembull për një tjetër që është i dashuruar.
Ne jemi një histori dashurie me Europën dhe nëse britanikët dëshirojnë divorcin, nuk na shërben si një shembull për të hequr dorë, pasi për ne Europa është një marrëdhënie e fortë që ka një prejardhje të hershme.
Ka shumë prej tyre që shtrojnë pyetjen që si ka mundësi që këta shqiptarë janë të tërhequr nga Europa.
Për ne Europa është një hapësirë paqe dhe sigurie. Ne vijmë nga një kohë jo e largët ku gjendeshim si Korea e Veriut e Europës.
Një gjysëm milion shqiptarët i braktisën shtëpitë në luftën e Kosovës. Është rrugëtimi i vetëm jo për Europën, por për ta shndrruar Shqipërinë në një shtet të së drejtës.
Ne nuk po kërkojmë një dhuratë as lëmoshë, por jemi duke kërkuar atë që na përket, jo për t’u shndërruar në anëtarë të BE-së, por për të çelur negociatat dhe më tej do të tregojmë se do të jemi të gatshëm për t’u shndërruar në anëtarë.
Bëni këtë atë, dhe pastaj shihemi vitin tjetër dhe pastaj…Kemi edhe këtë edhe atë si alibi. Në këto momente shumë prej vendevve anëtare nëse do të ishin në vendin tonë do të kishin të njëjtin problem.
Data 18 është e rëndësishme, por në 19 dielli do të lindë sërish, dhe nëse nuk do të kemi një “PO” do të vijojmë pasi rrugëtimi është për ne dhe nuk është se e bëjmë vetëm për Europën”” tha Rama.