Bushati: Negociatat me BE, proces që mund të marrë 1 dekadë

Ish-ministri i jashtëm Ditmir Bushati ka reaguar në rrjetet sociale lidhur me takimin e ministrave të Jashtëm të BE, që u mbajt sot në Luksemburg, por pa arritur në një marrëveshje për hapjen e negociatave për Shqipërinë dhe Maqedoninë e Veriut.

Bushati shkruan se për Shqipërinë BE është mbledhur tre herë në 16 muaj.

“Është hera e tretë në 16 muaj që BE po diskuton për fillimin e bisedimeve të pranimit me Shqipërinë dhe Maqedoninë e Veriut.

Një proces i cili ka të ngjarë të marrë një dekadë për të përfunduar dhe nuk ndikon as në procesin e reformave brenda BE-së, as nevojën për të përmirësuar strategjinë e pranimit me vendet e Ballkanit Perëndimor.

LEXO EDHE  Të ndihmojmë shefin e Qarkullimit/ Erion Ahmeti, pa shtëpi, pa makinë dhe i mbytur në kredi

Konsolidimi i projektit Evropian nuk mund të përfundojë pa Ballkanin Perëndimor. BE është zgjeruar në Perëndim, Jug, Veri, Lindje. Vonesa e gjatë për të filluar me Juglindje, bazuar në meritën, besueshmërinë dhe parashikueshmërinë.

Ky është një provë lakmusi për BE-në si fuqi botërore në një botë të pasigurt!”, shkruan Bushati.