Ambientalisti Sazan Guri tha në një prononcim për News 24 se policia i ka dërguar fletë-thirrje, duke thënë se nuk ia ka idenë se përse ia kanë çuar, pasi vetëm ka bërë thirrje për dialog.
Guri u shpreh se Unaza nuk ka arsye përse të zgjerohet, ndërsa jep edhe arsyet e tij.
Sazan Guri: Nuk e di pse më ka ardhur fletë – thirrje. Unë se di pse më ka ardhur fletë thirrja. Unë thjesht kam bërë thirrje ndaj qeverisë dhe Ramës që të ulin armët dhe të bëjnë komunitetin pjesë të informimit dhe vendim-marrjes. Kam thënë së kafshët edeh mendojnë ndryshe , kurse politikanët shqiptarë vazhdojnë të mendojnë etë veprojnë në mënyrë të njëanshme e të gabuar.
Pse zgjerohet Unaza? Këta politikanë nuk duan ta kenë banorin pjesë të zgjidhjes, por pjesë të problemit. Shteti nuk ka vendosur një kufi që këtu nuk ndërtohet. Ajo nuk është as tokë buke dhe pas 20 vitesh banori bëhet titullar.
Ndërsa banorët janë shprehur se arrestimet kanë qenë brutale, pasi djemtë e arrestuar janë futur në furgonë policie brutalisht.
Banorja: Po kam parë momentin e arrestimit. Ne nuk u afruam, sepse unë dhe tjerët kishim frikë. Nga ky (kryeministri) cfarë nuk pret. Ky është diktator. Ja unë që flas tani me ty më vjen nesër policia te shteti. Nuk kam cfarë të flas, kjo është polici brutale.
Banori: Pasi përfundoi protesta, i kanë plasur në makinë. Nuk ka arsye për arrestime. Nuk ka aspak, sepse banorët po protestonin paqësisht.
