Kreu i opozitës, Lulzim Basha, deklaroi nga “Unaza e Re” në kryeqytet, se beteja e opozitës dhe e PD-së nuk është për pushtet, por është për shqiptarët dhe për Shqipërinë.
Ai theksoi se sot Brukseli dhe Europa i kanë dhënë të drejtë kauzës opozitare për të vijuar betejën deri në largimin e krimit dhe kriminelëve nga politika.
“Në luftojmë tek ‘Unaza e Re’ për të bërë Shqipërinë si gjithë Europa. Mirënjohje të jashtëzakonshme kam për të gjithë qytetarët që janë bashkuar me problemet dhe hallet e banorëve të ‘Unazës së Re’. Vetëm kështu do ta fitojmë çdo betejë, mos presim që e keqja të vijë në shtëpitë tuaja. Por duhet të qëndrojmë këtu dhe të zmbrapsim të keqen. Shqipëria nuk ka pse të jetë në këtë gjendje, ajo i ka të gjitha mundësitë të sigurojë qytetarët e saj. Të gjithë e dimë se shkaktari i Unazës së Re, është ai që po i mbyll dyert e Europës për Shqipërinë. Dështimi i sotëm nuk është dështim i qytetarëve dhe i Shqipërisë, por i një njeriu që po e mban peng vendin. Pa u cacur para drejtësisë Edi Rama dhe gjithsecili nga bashkëpunëtoret e tij nuk ka Europë. Sot edhe tha qartë edhe Brukseli, Europa ka treguar se sa e drejtë dhe legjitime ,është kauza që nisi beteja e opozitës dhe PD, kjo nuk është betejë për karrige, por një betejë për ti dhënë fund një regjimi hajdutësh dhe kriminelësh që kanë asgjësuar votën e lirë. Beteja jonë është ti japim fund tranzicionit të tmerrshëm”, u shpreh Basha.
Basha: Shqipëria ku protestuesit arrestohen dhe kriminelët janë të lirë nuk e meriton Europën
Basha: Nuk janë të jashtëligjshëm protestat, por Rama me Karlo Bolinon dhe mediat e pushtetit
