‘Arrestimi i protestuesve është shkelje kushtetuese’/ Gjata: Duhet larguar Rama sa më shpejt

Sekretari për çështjet ligjore në Partinë Demokratike Çlirim Gjata, në një prononcim për “News 24” nga Drejtoria e Policisë së Tiranës, është shprehur se, arrestimi i ish-deputetit Klevis Balliut dhe banorëve të tjerë të “Unazës së Re” është veprim i jashtëligjshëm.

Sipas tij, e gjithë Shqipëria po ngrihet në protestë dhe se kjo maxhorancë nuk mund të arrestojë të gjithë. Sipas tij, zgjidhja është një dhe e vetmja e zgjidhja është largimi i Edi Ramës, pasi për të, Rama është sot palë me krimin.

“Janë ndaluar më së koti, thjesht kanë protestuar, një e drejtë qytetare botërore. Ne ishim aty e ishin 500 a 1000 policë. Sa do arrestojnë? Gjithë Shqipërinë do të arrestojnë. Do të fusin më shumë në burg se jashtë. Çfarë do të bëjë. Duhet zgjidhje politike dhe dihet se zgjidhja politike është largimi i Ramës. Protestohet nga disa banorë që duan t’i hedhin në përrua me pleq, burra, gra e fëmijë. Nuk ka për ta marrë përsipër as Rama, Lleshi, askush. Zgjidhja është largimi i Ramës. Rama është me krimin.  Policia është në shkelje totale kushtetuese”, është shprehur Gjata.

LEXO EDHE  PD: Qeveria jep 120 milionë euro në vit për 13 koncesione dhe s'ka para për rritjen e rrogave